منذ 8 سنوات أعلنت الفنانة السورية تولين البكري، خبر انفصالها عن زوجها مجد بدور، بعد يوم واحد من زفافهما.
أرجعت تولين السبب إلى عدم موافقة أهله عليها كونها مطلقة وليست عذراء وكتبت جملة مُطولة تشرح فيها للجمهور أسباب الأنفصال، فقالت: “رفقاتي.. حبايبي.. لكل اللي فرحولي من قلبون.. ولكل اللي باركولي وتمنولي الخي.بقول: “الله لايحرمني منكم يارب. ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها.. بما أني بعد يوم من إعلان زواجي شلت كل الصور.. أنا رح واجه مشكلتي معكم لأنو أد ماخبيت مافي شي بيدوم.. ومافي داعي لخبي لأني ماغلطت.. بالعكس.. أنا متلي متل أيا أنثى.. بتحلم بالاستقرار والأمان والدفا والعيلة والحب.. ارتبطت شرعاً بشب ابن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله”.
تابعت: ““للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد.وقسمة ونصيب.بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد…وبعتذر من أهلي قدام الكل لأني حطيتون بهالموقف بدون أي ذنب.. شكراً”.
يُذكر أن زفاف تولين ومجد، حضره عدد كبير من نجوم الفن في سوريا.
)
