منذ 10 سنوات عبّرت الفنانة المصرية نشوى مصطفى عن حبها وعشقها الشديدين لمهنة التمثيل التي تنتمي إليها.
كتبت نشوى عبر الإنترنت: “التمثيل بالنسبة لي مش مجرد مهنة دة عشق وغرام بكل طعم الإحساس اللي موجود في كلمة غرام أروع إحساس في الدنيا إنك تمارس مهنة أنت بتعشقها، وكمان مغرم بيها، أحياناً كنت بشارك في أعمال وأنا واثقة إنها مش طموحي ولا حتى شبه طموحي لمجرد التواجد أو لأن الأقساط لازم تتسدد، بس الحمد لله مبقاش فيه أقساط ومتعة ممارسة حالة بحبها بقت أقوى بكتير من شهوة التواجد، جالي دور في مسلسل من أسبوع ومن ساعة ما قريت وأنا مش مبسوطة من الدور”.
أضافت: “بقالي أسبوع شياطين دماغي بتوزني إنى أقبل بس قبل ما أكتب السطرين دول استخرت ربنا وقررت الاعتذار، فرحانة بنفسي إنى قلت لا، ومن اللحظة دي مش حامثل تاني إلا بس اللي قلبي يوافق عليه حتى لو فضلت مستنية باقي العمر حتى لو اضطريت إني أعتزل الغرام”.
أميرة أسامة – القاهرة
)
