منذ 9 سنوات
نانسي عجرم خائفة على ابنتيْها.. “لبنان مكب زبالة يا عيب الشوم”
عبرت النجمة اللبنانية نانسي عجرم عن غضبها الكبير تجاه ما يحدث في لبنان بسبب النفابات المتراكمة في كل مناطقه، حتى في المناطق السياحية وعلى جسر المطار وغيرهما من الأماكن التراثية حتى، وبتنا “مسخرة” يتناول أخبار وطننا “يالي بيسوى ويالي ما بيسوى”
نانسي اختارت أن تطلق صرختها المدوية عبر مواقع التواصل الإجتماعي خصوصاً على الـ Twitter، لتعبر عن رفضها للمنظر غير الحضاري في بلد الثقافة والجمال، وكتبت قائلة: “شو هالإيام يلي وصلنالا.. ما عم صدّق الواقع يلي عايشين في.. كيف تركنا حالنا نوصل لهون؟ وين الإدارة؟ وين مؤسسات الدولة؟ وين المسؤولين؟ كيف ما قدروا يشوفوا إنو رح نوصل لهون؟ كيف ما كان في خطة بديلة؟”
تابعت نانسي: “كيف ممكن بالقرن ال٢١ انو يكون في بلد وصّل حالو ليصير مكبّ للنفايات؟ بوعى الصبح وبفكّر بالموضوع وما عم بقدر اتخيّل نحنا وين عايشين! ما عم صدّق انو لبنان الأخضر، لبنان الثقافة، لبنان سويسرا الشرق وصّل حالو انو يصير مكب زبالة”
لم تكتفِ نانسي بتلك التغريدات. بل أضافت تعرب عن خوفها الكبير من إصابة ابنتيها (ميلا وإيلا) بأي سموم (لا سمح الله) بسبب تنشقهما لرائحة النفايات التي قد تؤدي للكوليرا في المستقبل القريب كما كل اللبنانيين الذين قد يصابوا بأمراض خطيرة، وتابعت مؤكدة أن ما يحدث في لبنان لا يصدق وكأنه كابوس: “مش عم بستوعب كيف ولادنا بدّن يقطعوا بين الزبالة ويتنفسوا أمراض وسموم وتلوّث!، كأنو فيلم رعب! كابوس! يا عيب الشوم!”
)
