كشف الفنان الشاب حسام الحسيني، عن تفاصيل اللقاء الأخير الذي جمعه بالمخرج المصري الراحل محمد خان.
نشر الحسيني صورة جمعته به في أحد المنتجعات السياحية، وأرفقها بتعليق: “اخر لقاء جمعني بالمخرج الفنان المحترم المثقف الخلوق الراحل محمد خان مش حنسي اليوم ده لانه كان بيضحك من قلبه واتكلمنا في حاجات كتير بالساعات وسألته علي حاجات كتير وكان بجد بيكلمني من قلبه كأنه يعرفني من زمان بينصحني”.
تابع: “مش حنسي اليوم ده لانه غيرلي وجهة نظري في عدة حاجات…أنا يمكن ماشتغلتش معاه غير مره واحده و أنا مخرج كنت باعمل حلقة كوميدية هزار كده عن مهرجان دبي و كان هو متواجد بفيلم فتاة المصنع و كان دمه خفيف قوي و تقبل الهزار بروح حلوة… الله يرحمك يا احد عواميد السينما المصرية”.
يذكر أن خان توفي عن عمر يناهز 73 عاماً، في الرابعة من فجر اليوم الثلاثاء ٢٦ يوليو/تموز، إثر تعرضه لأزمة صحية نقل على إثرها لمستشفى الأندلس في منطقة المعادي.