بعد انتشار صور عدد كبير من نجوم الفن، عبر الإنترنت، بزيادة وزن غير مسبوقة، أوضح المصور الشاب طارق الذي قام بتصميم هذه الصور عبر برنامج (الفوتوشوب)، سبب قيامه بذلك.
كتب طارق عبر صفحته على الإنترنت: “بالنسبه للفكره بتاعة Don’t Call Me Fat! جاتلى لما بدأت الاحظ فى مجتمعنا العربى حجم كبير من العنصرية اللى بيواجهها الانسان البدين او الانسانة البدينة سواء فى شكل لفظى واحياناً بيوصل لشكل جسدى ,فـفكرت ان لو حد مننا بيحب حد أكيد مش هيفرق معاه اذا كان رفيع او بدين اذا كان طويل او قصير اذا واذا واذا ……اللى بيحب عمرو دياب بيحبه عشان (زى الملايكة -انا مهما كبرت – تملى معاك …….) مش عشان جسمه عامل ازاي … عمركم سمعتوا حد بيقول انا مش بحب المطرب الفلاني او الفنان الفلاني عشان بدين …. مش لازم يكون الانسان شخصية عامة مطرب او فنان او فنانة عشان مانجرحهوش بكلامنا محدش فينا اختار لونه او جسمه او طوله او او… كفاية عنصرية. وبشكر كل الناس اللى تفاعلت مع الفكرة وان شاء الله اكون عند حسن ظنكم في الافكار الجاية”.
كان المصور المصري الشاب، قد نشر صور كل من محمد منير، تامر حسني، عمرو دياب، إليسا، نانسي عجرم، هيفا، شيرين، محمد حماقي، ميريام فارس وغيرهم من النجوم بعد أن غير في أحجامهم وجعلهم يظهرون وكأنهم اكتسبوا أوزان زائدة.