من جديد طالبت كلودا عقل ابنة شقيقة الأسطورة اللبنانية الراحلة صباح، الجميع بعدم الحزن على رحيل الصبوحة، وحاولة التماسك والفرح لتنفيذ وصية خالتها.
كتبت كلودا عبر الإنترنت: “يا احباب الشحرورة المخلصين … ما تزعلوا وحتى لو كان الزعل كتير كبير … افرحوا انو الصبوحة كانت وما زالت تاريخ للتاريخ … محبنها الكن ما كان الها مدى … وكانت تقلّي ما بريدك يا كلودا تخبريهم اخبار تزعجهم و دايما خليهن فرحانين، الدني ما فيها شي حرزان … واذا شي يوم رحلت من ها الدني اوعى يزعلوا و ينقهروا … خليهم يفرحوا، لان تركتلهم ارث كتير كبير من الاغاني والمقابلات والافلام والخبريات ، بتقدر تشغلهم لمدى الحياة”.
تحدثت كلودا أيضاً عن آخر لحظات الصبوحة قبل وفاتها فقالت: “مبارح راحت الصبوحة الساعة 3 الصبح من دون اي كلمة ومن دون شكوى، غدرتنا وغادرتنا عالسكت وكانت نايمة متل الملايكة وهيبة الله عا وجها … قبل بكم ساعة من الرحيل النهائي، قالتلي فيه غبقة عا صدري، ركضت وجبتلها الطبيب، ومن بعد ما تم فحصها، طلع الاوكسيجين 98 ونبضات القلب بتجنن ضغتها 12 عا 7 والروايا متل الفل … يا احباب الشحرورة ، قدرة الله فوق كل البشر … ومتل ما كانت تقللي دايما :– ” شوفي يا كلودا، كل انسان بتخلق قصّته معه! ما تبحثي، يللي مقّدره الخالق مش عند حدا”.