منذ 9 سنوات 
أعرب الممثل المصري عمرو واكد عن استيائه وغضبه الشديدين بسبب سرقة فيلمه الأخير (القط)، وطرحه عبر إحدى القنوات الفضائية، بالإضافة إلى المواقع الإلكترونية.
غرّد واكد عبر الإنترنت: “بعد التضييق اللي عانينا منه بلغني ان فيلم القط تم سرقته وطرحه على الإنترنت ولم يكفيهم هذا بل وتم عرض النسخة المسروقة على قناة فضائية. فيلم القط تمت سرقته بعد ثالث يوم عرض له. وهو الوحيد اللي تم سرقته في وسط الأفلام المعروضة. هل دي صدفة؟”.
أضاف: “عامة فيلم القط فيلم تقيل وخاص وكان نفسنا نعمل حاجة مختلفة فيه. لو في حد محترم عايز يتفرج عليه أرجوكم تدخلوه سينما بدل ما تشجعوا خراب بيوتنا. واحد بيقول لي الله يكون في عون منتج فيلم القط. بالمناسبة أنا منتج الفيلم على فكرة. وفي الآخر أحب أطمئنكم. إحنا ضد السرقة ضد التشويه ضد الشائعات وضد الظلم مكملين”.
ختم كلامه قائلاً: “اللي هيتفرج على فيلم القط مضروب هيجيله كوابيس كل يوم بالليل وهيعملها على روحه لغاية لما يروح يدفع بدل التذكرة ٢ عشان يكفر عن ذنبه”.
(القط) من بطولة عمرو واكد، فاروق الفيشاوي، صلاح الحنفي، وغيرهم، ومن تأليف وإخراج إبراهيم البطوط.
أميرة أسامة – القاهرة
)
