سخر المخرج السينمائي عمرو سلامة من انقطاع الكهرباء بشكل متكرر في مصر، عبر الإنترنت.
وكتب عمرو: “في المملكة السعودية الشقيقة، لما كانت المطرة مابتنزلش لمدة طويلة، كانت المملكة كلها بتصلي صلاة (الإستسقاء) علشان يدعوا إن المطرة تنزل.أنا رأيي نحذوا بحذوهم، ونصلي صلاة للكهربا، بس ماندعيش إنها تفضل موجودة وماتقطعش، لأ، ندعي إن اللي كان السبب في قطعها وفي الفشل ده يموت موتة بشعة ومهينة وياريت كمان فاضحة، علشان كلنا نعرفه ونبنيله تمثال كل ما نعدي نضربه بالشباشب الزنوبة”.
وأضاف: “يا إما ربنا يتقبل الدعاء ونتعامل مع هذا الشخص أو المجموعة يا إما نعرف إننا شعب ربنا غضبان علينا ومش مقبولنا دعاء وإن موضوع قطع الكهربا هو العقاب الرباني اللي نستحقه”.
أميرة أسامة – القاهرة