أعرب الممثل والكاتب ومقدم البرامج طارق سويد عن سعادته الكبيرة بتصويره مسلسله الجديد الذي سيعرض على الـ OTV من بطولته وكتابته، لكنه أعلن أنّ بعض المشاهير اتصلوا به كي يحذروه من التعبير عن سعادته أمام الناس على الإنترنت.
وبدوره سويد ردّ عليهم قائلاً: “لكل الزملاء والمشاهير اللي بيبعتولي نصايح إنو مش مفروض بقى إفرح علناً كل ما كون عم حضّر أو إكتب أو صوّر عمل جديد وإني اليوم بموقع مهم ولازم إتصرف بطريقة تانية، بيقصدو طبعاً “مصطعنة و بعجرفة” جوابي واحد، كل ما إسمي عم يكبر كل ما تواضعي رح يكبر وإفرح و إنهبل أكتر وعلناً”.
وتابع: “بعتذر ما بعرف كون متل بعض الكتاب والإعلاميين والممثلين ضارب حالي بحجر كبير ومربح الدني جميلة ورافع منخاري.. ومش يعني ما بعرف إني رقم صعب اليوم بالدراما وبالإعلام و بكل تواضع.. بس ببساطة بترك النجومية إلكن، ولإلي الشغف والمثابرة والفرح بكل خطوة بخطيا ورح إخطيا…”.