منذ 9 سنوات 
عبّر الفنان شريف منير عن استيائه الشديد من موظفي الحكومة المصرية بسبب انعدام ضميرهم، وتحدث عن أغرب موقف تعرض له مؤخراً، عبر صفحته على موقع الـ Facebook.
كتب شريف: “موقف غريب جداً حصل معايا طلعت منه بتاكيد علي ان الموظفين اللي من النوعية دى هما اللي بيشدوا البلد لورا.. اللي حصل اني اتفاجات ان فاتورة الغاز جات لي 3200 جنية.. سالت المحصل ليه المبلغ ده ؟ قالي لان حضرتك مدفعتش 17 شهر قلت له ازاى انا بدفع كل شهر وعندى اخر فاتورة الشهر اللي فات.. فاقال لي.. معرفش.. حضرتك اشتكي.. رحت فعلا شركة الغاز و قلت للمدير الموضوع”.
أضاف: “رد عليا اغرب رد.. قال لي حضرتك لازم تدفع لان اللي بيجي لحضرتك كل شهر ده المتوسط.. فاقلت له.. ليه انا بدفع كل شهر.. انا ذنبي ايه .. قال لي مالكش ذنب لكن لازم تدفع والا هنقطع عنك الغاز.. وكمان حضرتك ماتعتمدش علي مندوب يجي ياخد قراية العداد.. انما حضرتك تقراه وتدخل علي موقع الشركة وتكتبه.. او تكلمني في التليفون تقولهولي.. اندهشت اكتر و سالته ليه هو مش دى شغلته.. قال لي انا بقولك المفيد”.
ختم كلامه قائلاً: “فهل هذا هو المفيد ياسادة .. مشيت وانا بقول لنفسي هي دي الناس اللي بتشد البلد لتحت .. وبياخرونا سنين طيب الموظف البسيط لو حصله موقف زي ده وطلعوا عليه مبلغ كبير وقالوله اما الدفع الفوري لان مفيش تقسيط او يقطعوا عنه الخدمة هيعمل ايه طبعا هيكره نفسه وبلده وبعدين نشتكي من الحكومة والريس مع ان العيب في الاخلاق والضمير ولو جالنا الف حكومة او ريس هيعملوا ايه مش كده ولا ايه؟”.
أميرة أسامة – القاهرة
)
