منذ 8 سنوات 
عبّرت ملكة جمال سوريا سارة نخلة عن حزنها الكبير من الأوضاع السورية التي الصعبة والتي يعاني منها السوريون.
وكتبت سارة على صفحتها على الفايسبوك قائلة: “أنا بنت من عائلة مشردة ولله العظيم مشردة.. من أربع سنين كنت أنا وبابا وماما وأخواتي نتلم على طاولة وحدة نتغدى سوا.. من أربع سنين كنت انزل جامعتي مثل أي بنت.. الحرب شردتنا أيوة.. شردتنا وفرقتنا.. الأم في المانيا.. أخي في هولندا وأخي الصغير في سوريا لسه بيدرس وأنا في مصر وأبي لسه في سوريا مع ظروف أكثر من مأساوية وكلمة دمار نفسي قليل عليه”
وتابعت: “من سنتين ما شفت شعرة من شعرات أمي ولا حتى بابا أخدني بحضنه مرة.. ولا حتى أكلت مع اهلي مرة من سنتين ولا حتى شميت ريحة طبخ ماما.. ولا بعرف ايمتا ممكن نتقابل.. أو لو لسه ممكن.. متخيلين الوجع.. حتى صور معظمها مش معي.. من سنتين لما نزلت على سوريا آخر مرة وما كنت بعرف اني عم ودع بابا.. ..صار يبكي وأول مرة بشوفوا بيبكي وما كنت بعرف شو ممكن يصير وماما كمان نفس الشي.. كنت رايحة على بيت مش بيتنا أصلا لأن أهلي نقلو من مكان فيه قصف لمكان أحسن والمكان الأحسن أنا ما بعرف وين لأن ما رحت عليه ولا مرّة.
وختمت: “كنت تايهة عن بيتنا.. سريري ما كان سريري.. والمخدة كانت قاسية.. متخيلين بيتكن ذكرياتكن طفولتكن كلها تروح وتروح لمكان جديد ما بتعرف فيه الا امك.. حتى ماما صارت بعيدة اغتنموا كل لحظة مع أهلكن ولا تحكموا على الناس بالمظاهر لأن الباطن عندي مؤلم أكثر من الظاهر ألف مرة ولو في يوم من الأيام تعصّبت أو ضايقت أي شخص أنا بعتذر من قلبي.. بس ممكن كون بظروف صعبة.. عندي حلم؟ طبعاًعندي حلم والحرب زادتني إصرار وعزيمة وعملت شغل خلال 3 سنوات كنت بخططلو عمري كله”
)
