منذ 10 سنوات أعرب الفنان خليل مرسي عن استيائه الشديد لوقف عرض فيلم (حلاوة روح)، مؤكداً أن زمن كبت الحريات قد ولى.
وأضاف خليل: "أولاً أن رئيس الوزراء يوقف فيلم دة في حد ذاته أنا مش موافق عليه ، لأن في وزير ثقافة ورئيس مصنفات ممكن الرجوع ليه، إنما كون إن رئيس الوزراء يقول هنرجع الفيلم للمصنفات طيب ماهي المصنفات موافقة عليه بدليل أنه اتعرض، فبصراحة في خلط في الأمور مش تمام ، وبعدين رئيس الوزراء اجتمع بعدد من الفنانين عشان يبحثوا عن حل للمسألة دي وكانت المسألة بصراحة تحصيل حاصل".
وتابع كلامه قائلاً: "المشاكل ووقف الفيلم وكل دة خلى الفيلم يكتسب دعاية بمليار جنية من غير ما يدفعوا فلوس لأن دلوقتي كل الناس عايزة تتفرج على الفيلم".
وعن رؤيته إذا كان هذا النوع من الأفلام يتلف الذوق العام، أجاب قائلاً: "ماهو مفيش أفلام مضادة لو أحنا عندنا فيلم مضاد محترم الفيلم دة مش هيلاقي سوق جنبه، إنما للأسف هي دي نوعية الأفلام الي سائدة وموجودة حالياً في مصر الأفلام العشوائية".
أميرة أسامة – القاهرة
)
