ردّ الإعلامي أكرم حسني الشهير بـ (أبو حفيظة) على الاتهامات الموجهة ضدة من قبل الملحن والشاعر الغنائي مدحت الخولي، بسبب إعادة غناء (بلاد طيبة) من قبّل حسني وتشويه كلماتها دون الحصول على إذن مسبق من صاحب العمل.

نشر أكرم صوراً للوثائق التي تُثبت صحة كلامه وكتب تعليقاً عليها جاء فيه:

“(لمن يهمه الأمر) علي الرغم من انّ في ألف حاجة أهم من الموضوع اللي هاتكلم فيه لأن ظروف البلد مش ناقصة ولكن من حقي أرد على ادعاءات بدأت تنتشر اليومين اللي فاتوا عن اني تعديت على حقوق الملكية الفكرية للأستاذ المحترم مدحت الخولي‬ مؤلف و ملحن أغنية (بلاد طيبة) للكينج محمد منير والفنانة الكبيرة أنوشكا وأني استخدمت لحنها في برنامج (أسعد الله مساءكم) من جديد‬ بدون ما اخد تصريح بده”.

أضاف: “أولاً: أنا عمري ما تعديت على حق أو مجهود أي فنان أو مبدع لأني عارف كويس أوي يعني ايه حد يتعب و يلاقي حد جه اخد مجهوده علي الجاهز ونسبه لنفسه وبالتالي قبل ما استخدم لحن الاغنية تقدمت بطلب لجمعية المؤلفين والملحنين بتاريخ الثامن من اكتوبر الجاري لاستخدام اللحن وتم التصريح ليا باستخدامه”.

تابع كلامه قائلاً: “ثانياً: بعد ما عرفت ان الاستاذ مدحت عاوز ياخد اجراء قانوني حاولت الاتصال بيه علشان اوضح له الموقف بس هو للاسف ماردش عليا ف بعت له رسالة وقولتله انا اكرم حسني و بحاول اكلمك و لكنه للاسف بردو ماردش عليا.

ثالثاً: الاجراء اللي انا باعمله ده مش وليد النهاردة لاني باقدم برامجى في التليفزيون من اكتر من خمس سنين وهتلاقوا صورة مع البوست ده بتوضح اني باعمل ده من سنة 2010 لحفظ حقوق المبدعين اصحاب الحقوق.

رابعاً: و ده اهم ما يعنيني في الموضوع بعد اتخاذي كافة الاجراءات الرسمية هو اتصال الكينج الفنان الحقيقي اسما و حجما / ‫#‏محمد_منير‬ بيا.. فوجئت بيه بيكلمني في التليفون وبيقوللي يا اكرم انا باحييك علي الاغنية وانا اتبسطت بيها جدا وضحكت من قلبي وانا باتفرج عليها واوعي تلفت لاي حد عايز يحبطك وخليك مركز في شغلك وبس .. وده ان دل علي حاجة ف بيدل علي احترام هذا الفنان وان حجمه الفني وتاريخه دول ماجوش من فراغ .. تحية من كل قلبي للكينج لتواضعه وحبه للناس. شكراً للكينج محمد منير”.

يُذكر أنّ الخولي يستعد لرفع دعوى قضائية ضد كل من حسني وقناة الـ (MBC مصر)، بسبب الإساءة لكلاسيكيات الفن المصري وتشويه أغنيته الوطنية.

أميرة أسامة – القاهرة

 

أكرم حسني

أكرم حسني2

أكرم حسني3

أكرم حسني5

Copy URL to clipboard

شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار