منذ 10 سنوات حلّ الفنان محمد رمضان ضيفاً على برنامج (العاشرة مساءً) الذي يقدّمه الإعلامي وائل الإبراشي، عبر قنوات (دريم).
تحدث رمضان خلال الحلقة عن الاتهامات الموجهه إلى مسلسل (ابن حلال) وطاقم فريق عمله، بسبب تناولهم قصة مقتل ابنة الفنانة ليلى غفران (هبة) وصديقتها (نادين)، وقال: “الكلام دة غير صحيح وأنا معرفش ان القصة بتتكلم عن قضية بنت ليلى غفران، حتى أنا متابعتش زمان قضيتها إلا لما لقيت الناس بتتكلم عليها، أنا لا مستشار ولا قاضي ولا وكيل نيابة عشان ابقى عارف الحقيقة فين، أحنا بنعمل عمل درامي من خيال المؤلف”.
خلال الحلقة ردّت الفنانة ليلى غفران عن التشابة الملحوظ بين الجريمة والمسلسل في مداخلة هاتفية أجرتها مع الإبراشي، وأجابت: “قبل كل شيء أنا عايزة أقول حاجة حسبي الله ونعم الوكيل في كل حد حاول يطعني أو يشتغل اسمي ووجعي في مسلسل عايزين يعملوا منه بطل سينمائي أو تليفزيوني، عايزين يعملوا من القاتل المجرم الي اتحكم عليه بالاعدام عايزين يعملوا منه بطل بقول حسبي الله نعم الوكيل”.
وأضافت: “أنا قرأت الحدّوته قبل ما تتصور والأخ الي قاعد معاك والي مثّل الدور في الأول خالص قبل ما ينزل المسلسل لفترة طلع في الإعلان بيقول فيه أنا بعمل مسلسل بقتل فيه بنت نجمة معروفة”، ليقاطعها رمضان قائلاً ويقول: “الأخ دة أسمه محمد رمضان يا مدام ليلى”، وترد قائلة: “أنا بتجاهلك تماماً”، ليرد عليها: “وأنا بتجاهلك يا فندم”.
وتابعت كلامها قائلة: “أنا مش عايزة اساءة ليا ولا أن حد يفكرني بالموضوع كل شوية، أنا هرفع قضية عشان الرأي العام كله هاج عليا وتليفونات من المغرب ومن كل العالم أن القصة حقيقية، دة سببلي تعب نفسي”.
وعن رؤيتها أن الهدف الأساسي من المسلسل هو تبرئة قاتل ابنتها محمود العسوي بعد أن أُدين وتمّ اعدامه: “هدف المسلسل صُنع أبطال على حساب الغير مش ممكن اتنين قضاه يحسموا على مجرم قاتل بالاعدام وأقوم بتبرئته من خلال حتة مسلسل، لو كان مين الي متورط في القضية انا كنت كلته، الي راحت دي حتة مني، أنا قريت القضية وتابعتها بدقة وحضرت كل الجلسات الي بتؤكد أن الولد دة هو الي قاتل “.
أميرة أسامة – القاهرة
http://www.youtube.com/watch?v=t6R32_JW4uw
)
