منذ 7 سنوات 
اجتمعوا الأصحاب.. بليلة ميلاد فيروز
اللي أصلاً صاروا أصحاب بسبب فيروز
قعدوا بقهوة قديمة بالمدينة..
وكان الغيم بالسما قبل الغروب عم يرسم حالو ع آخر ضو من الشمس قبل الليل
والأرض بين الفرح والبكي..
احتفلوا بالصمت وبالدموع.. بالفرح الحزين
وتبادلوا هدايا العيد..
ثلاث أيقونات: لفتة .. سردة.. وضحكة
والقمر واحد.. والليل واحد
والناطورة وحدة.. والعيد واحد
وحدها اللي بيحتفلوا الناس بعيدها حتى لولا الصوت بعيد
بيعرفوا إنها بتعرف.. بيحسوا إنها بتحس
بيفرحوا لأنها بتفرح.. والحزن أساسي
بيآمنوا انها حاضرة.. معهم وفيهم
ولمّا فات الليل، راح كل واحد ع بيته/ وأخذ معه لوحة..
هلأ كل واحد ببيت.. وبكل بيت في لوحة.. وبكل لوحة في شي من فيروز
لفتة.. سردة.. ضحكة
والعيد عم يكبر..
وفيروز صبية الزمان، وسيّدة الدهشة، وعطر الأكوان..
شكرًا يارب لأنك بعثتها لعنا..
القصة حقيقية … والحقيقة مع الوقت
الأصحاب
)
