أثار الفنان الكوميدي أحمد حلمي، جدلاً كبيراً بصورته التي نشرها وهو يجلس داخل سيارة قديمة، وعلّق قائلاً: “تقدر تبوح بسر ينفع الناس ؟؟ للاسف لأ ماهو عيب الاسرار كده اكتر حاجه ممكن تفيد الناس بس للاسف مينفعش تتقال ده كلام في سرك ششششش”.
أكّد النشطاء أنّ حلمي وجه رسالة بطريقة غير مباشرة لزميله الفنان محمد رمضان، الذي صرّح مؤخراً أنه اشترى سيارتين جديدتين.
بدوره، وضح حلمي سوء التقفاهم الذي حدث، وكتب عبر الإنترنت: “اعزائي الكرام .. توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق .. واللي الناس فهمت انها بغرض اني بوجهه رساله لزميلي الفنان محمد رمضان وهذا ما احزني كثيرا”.
تابع: “يا جماعه انا لو عايز اوجهه رساله لاي حد اعرفه كويس او حتي معرفوش مش هاعمل كده علي مواقع التواصل الاجتماعي لاني عمري ما عملت كده ابدا لاني ببساطه ممكن ابعتله رساله علي موبيله او هاكلمه في التليفون. اما الكلام اللي كان مكتوب تحت الصوره اللي كتير من الناس معرفش ازاي بجد فسروه بالطريقه دي مع انه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا وليه علاقه بالعربيه الميني علشان كده نهيت الكلام المكتوب بـ ” ده كلام في سرك ….. ششش” زميلي العزيز محمد رمضان ربنا معاك و يوفقك دايما و تحقق كل اللي نفسك فيه في حياتك الفنيه”.